Татарстан Республикасы Нурлат муниципаль районыннан КФХ башлыгы кыяр уңышын җыя

2018 елның 19 апреле, пәнҗешәмбе

Татарстан Республикасы Нурлат муниципаль районының Якты Күл авылыннан Рәфыйкъ Фәйзуллинның крестьян-фермер хуҗалыгында кыяр уңышын җыялар.

«Беренче кыярларны без март азагында ук татып карадык, хәзер инде барысы да өлгереп килә, – дип сөйләде Рәфыйкъ Фәйзуллин. – Безнең өч теплицабыз бар. Икесендә кыяр үстерәбез, өченчесе - помидор өчен. Томатларны апрель азагында җыя башлыйбыз».

Теплицаларның гомуми мәйданы 1200 кв.м. тәшкил итә. Фермер яшелчә продукциясен Нурлат шәһәренең авыл хуҗалыгы ярминкәләрендә сата.