Татарстан Республикасы Баулы муниципаль районында 2018 елгы чәчү кампаниясен уздыру мәсьәләләрен карадылар
Кичә, 27 мартта, Татарстан Республикасы Баулы муниципаль районының “Берлек” ҖЧҖ АХ базасында алдагы язгы чәчү кампаниясенә әзерләнү мәсьәләләренә багышланган семинар-киңәшмә узды. Чарада район башлыгы Рамил Гатиятуллин, районның Авыл хуҗалыгы һәм азык-төлек идарәсе башлыгы Фәрит Кыямов, авыл хуҗалыгы оешмалары җитәкчеләре һәм белгечләре катнашты.
Семнар-киңәшмәнең практик өлеше хуҗалыкның машина-трактор паркында һәм ындыр табагында узды, ә пленар өлеше – Татар Томбарлысы авылының Мәдәният йортында. 2017 елда үсемлекчелек тармагы продукциясен җитештерү йомгаклары һәм агымдагы елга уңыш фаразлары турындагы нотык белән район Авыл хуҗалыгы һәм азык-төлек идарәсенең җитештерү-маркетинг бүлеге башлыгы Наил Галиуллин чыгышясады. Ул мөһим стратегик бурыч итеп җирләрне биологияләштерү мәсьәләсен куйды.
Семинар-киңәшмә барышында шулай ук муниципаль районның башкарма комитеты җитәкчесенең икътисадый үсеш буенча урынбасары Эмиль Галимов чыгыш ясады, ул хезмәтне саклау мәсьәләләренә тукталды. Тагын биологик препаратлар, химик чаралар һәм ягулык-майлау матеиаллары җитештерү белән шөгыльләнүче компанияләр вәкилләре чыгыш ясадылар.
Киңәшмәгә район башлыгы Рамил Гатиятуллин нәтиҗә ясады. «Без бүген үк аңлыйбыз инде, кирәк кадәр ашлама куллана алмаячакбыз, – диде ул. – Әмма уңыш арттыруның башка ысуллары да бар бит. Һәр эшнең башында икътисад тора. Безнең бурыч – җитештерүгә чыгымнарны киметеп, продукциянең үзкыйммәтен төшерү».