Татарстан Республикасы Чистай муниципаль районында техниканы 2018 елгы язгы чәчүгә әзерләү төгәлләнеп килә
Татарстан Республикасы Чистай муниципаль районы хуҗалыкларында авыл хуҗалыгы техникасын 2018 елгы язгы чәчүгә әзерләү төгәлләнеп килә. «Районда 23 ремонтлау звеносы эшли, 100дә артык белгеч шул эш белән мәшгуль», – дип сөйләде район авыл хуҗалыгы һәм азык-төлек идарәсенең җитештерү-маркетинг бүлеге башлыгы Александр Ромадановский.
Аның әйтүенчә, бүгенге көнгә районда тракторларның техник әзерлеге 90% тәшкил итә, чәчү комплекслары – 85%,чәчкчләр – 96% һәм культиваторлар – 99%. «Закамье-Агро» ҖЧҖендә, «Яуширмә» ҖЧҖендә һәм «Җәкетау» ҖЧҖендә техника ремонтланып беткән.
«Закамье-Агро» ҖЧҖ урнашкан Иске Иванаево авылындагы остаханәдә тырмаларны, чәкчләрне һәм культиваторларны агрегатлаштыру эшләре бара. «Техниканы ремонтлауга бик җаваплы карыйбыз, чөнки, ватылса, син генә гаепле буласың, – диде хуҗалыкның баш инженеры Динар Ногуманов. – Язгы чәчү чорында 3 мең гектардан артык җир эшкәртәсе була».