ЯҢАЛЫКЛАР
Татарстан Республикасы Авыл хуҗалыгы һәм азык-төлек министрлыгы 2019 ел йомгаклары буенча Россия АПК идарә органнарының медиарейтингын җитәкли. Бу хакта мәгълүмати сәясәтне үстерү мәсьәләсе буенча АПК идарәсенең төбәк органнары белән видеоконференция режимында узган киңәшмәдә хәбәр иттеләр.
Минераль ашламалар туплау темплары һәм авыл хуҗалыгы җирләреннән нәтиҗәле файдалану турында бүген Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров Татарстан Республикасы Хөкүмәте Йортында узган республика киңәшмәсендә сөйләде.
Кайбыч районында кече бизнесны үстерүдә уңай динамика күзәтелә. Авыл кешеләренең эшлекле активлыгы арта, алар үз предприятиеләрен ачалар, шәхси хуҗалыкларын киңәйтәләр, үзмәшгульлек белән шөгыльләнүчеләр саны арта. Беренче тәҗрибәләрен туплаган авыл хуҗалыгы кулланучылар кооперативлары да бар. Шундыйларның берсе – узган ел ахырында Чүти авыл җирлегендә оешкан, бүген уңышлы эшләп килүче “Йолдыз” кооперативы.
Татарстанда 12-14 февральдә Идел буе агросәнәгать форумы һәм ТатАгроЭкспо махсуслаштырылган күргәзмәсе узачак, анда Татарстан Республикасының һәм Россия төбәкләренең 300 оешмасы һәм предприятиеләреннән 3000нән артык агросәнәгать комплексы вәкилләре катнаша. Кунакларга бүген үк сылтама буенча теркәлергә һәм электрон билет алырга мөмкин. Килүчеләр өчен күргәзмәгә керү ирекле (түләүсез).
Бүген Татарстан Республикасы Авыл хуҗалыгы һәм азык-төлек министрлыгында терлекчелек тармагының 2020 елның гыйнвар аендагы эшенә йомгаклар ясадылар. Киңәшмәне Татарстан Республикасы авыл хуҗалыгы һәм азык-төлек министры урынбасары Ленар Гарипов үткәрде.
Бүген Казанда Халыкара авыл яшьләре конгрессы ачылды, анда Татарстаннан, Россяиияең 50 субъектыннан һәм дөньяның 25 иленнән 200дән артык делегат катнаша. Аерым алганда, БДБ илләреннән, Германия, Мисыр, Конго, Индия Испаниия, Литва, Марокко, Мексика, Нигерия, Пакистан, Польша, Португалия, Төньяк Македония, Төньяк Ирландия, Сербия, Сенегал, Словения, Төркия һәм Эстония илләреннән.
4 февральдә Россия Федерациясе авыл хуҗалыгы министрының беренче урынбасары Джамбулат Хатуов Барлык видеоконференция режимында селектор киңәшмәсе үткәрде, ул үзебезнең селекцияне һәм орлыкчылыкны үстерүгә багышланган иде. Чарада Татарстан Республикасыннан Татарстан Республикасы авыл хуҗалыгы һәм азык-төлек министры урынбасары Илдус Габдрахманов, Татарстан Республикасы Авыл хуҗалыгы һәм азык-төлек министрлыгының игенчелек тармакларын үстерү бүлеге башлыгы Ирек Садыйков, «Госсортокомиссия» ФДБУнең Татарстан Республикасы филиалы башлыгы Виталий Новичков, “Россия авыл хуҗалыгы үзәге” ФДБУнең Татарстан Республикасы филиалы җитәкчесе урынбасары Рәфис Хәбибуллин, «Татарский» агрохимия хезмәте үзәге” ФДБУ директоры ФГБУ Әнәс Локманов катнашты.
Татарстан белән Чехиянең авыл хуҗалыгы өлкәсендә хезмәттәшлекне үстерү мөмкинлекләре күп. Бу хакта бүген Татарстан Республикасы Президенты Рөстәм Миңнеханов Чехия Республикасының авыл хуҗалыгы министры Мирослав Томан җитәкчелегендәге Чехия эшлекле даирәләре вәкилләре белән очрашуда белдерде. Очрашу Казан Кремлендә узды. Очрашуда Чехия Республикасының Россия Федерациясендәге Гадәттән тыш һәм Вәкаләтле Илчесе Витезслав Пивонька, Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров катнашты.
Бүген Татарстан Республикасы Авыл хуҗалыгы һәм азык-төлек министрлыгынңа Татарстан кулланучылар кооперациясе оешмалары берлегенең («Татпотребсоюза») 2019 елгы эшенә йомгаклары һәм якын киләчәккә бурычлары буенча кулланучылар җәмгыятьләре һәм кооперативлар вәкилләренең хисап җыелышы узды.
Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров Татарстан кулланучылар кооперациясе оешмалары берлеге Советы рәисе булды. Бүген Татарстан кулланучылар кооперациясе оешмалары берлегенең еллык җыелышында шундый карар кабул ителде.