ЯҢАЛЫКЛАР

Бүген Татарстан Республикасы Президенты Рөстәм Миңнеханов  Биектау  муниципаль районында урып-җыю эшләренең барышы белән танышты.

Шушы көннәрдә Яңа Чишмә муниципаль районында комбайнчылар арасында икенче бишкөнлек хезмәт ярышына йомгаклар ясадылар. Нәтиҗәләр буенча алдынгыларга кызыл әләмнәр һәм акчалата премияләр бирелде  (комбайнчыларга – 2000 сум,  аларның ярдәмчеләренә һәм машина йөртүчеләргә  – 1000сум).

Оператив белешмәләр  буенча 2018 елның 16 августына республикада    2003,6 мең тонна ашлык суктырылган, шул исәптән 1 миллион тоннадан  артык  көзге бодай,  298,6 мең тонна – көзге арыш, 518,1 мең тонна – арпа, 69,7 мең тонна –  борчак.

АГРОКӨЧ холдингы 2018  елгы яңа  авыл хуҗалыгы сезонында уракның беренче көннәрендә үк  югары уңышларга иреште. Көзге бодай уңышы бер   гектардан   40 центнер тәшкил итте, арпа  - 35 ц/га, көзге  шепкән  - 8 ц/га.

Вице-премьер Алексей Гордеев президенттан авыл  территорияләрен үстерү буенча аерым илкүләм проект булдыруны сорый. Бу мәсьәләне эшләү хөкүмәткә һәм президент ярдәмчесе  Андрей Белоусовка йөкләнгән.

Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры  Марат Әхмәтов республиканың Тукай, Минзәлә,  Актаныш муниципаль районнарына эш сәфәре  белән  килде. Бу районнар хуҗалыкларында ул урып-җыю,  туфракны  көзгечәчүгә әзерләү эшләренең барышы  белән танышты.  

Татарстан Республикасы Теләче муниципаль районы кырларында бар куәткә урып-җыю эшләре бара. Оператив белешмәләр буенча,  15 августка,  районда 8,9 мең га чәчүлек мәйданы суктырылган,  бу  планнан  39,6 % тәшкил итә.  22,1 мең тонна ашлык җыелган, уртача уңдырышлылык - 24,8 ц/га.

13 августта Минзәлә муниципаль районы башлыгы   Айдар Сәлахов   «Калморза» ҖЧҖенең  алдынгы хезмәткәрләренә рәхмәт хатлары һәм премияләр тапшырды.

2018 елның гыйнвар-июль айларында  авыл хуҗалыгы оешмаларында һәм крестьян-фермер хуҗалыкларында  сую  өчен үстерелгән тере  үлчәмдә кош-корт  119,2 мең   тонна булды, бу - 2017 елның  шушы  чоры белән чагыштырганда    3%ка күбрәк.  Кош  ите  күләме  сатылган тере  үлчәмдәге терлек ите һәм кош итеннән 55% тәшкил итә.

«Минем җирем – Россия” V Бөтенроссия иҗат конкурсына заявкалар бирү вакыты тәмамланып килә. Конкурсның оештыру комитеты тагын бер  кат искә төшерә: урыннар  алуда  ярышырга  теләүчеләр өчен   өч атналап  вакыт   калды.  Шуңа күрә  «дилбегәне озынга сузмыйча», ашыгырга кирәк, алдан килгән урын өчен дип юкка  гына әйтмиләр бит.