Республикада 2,4 млн. тонна сенаж һәм 375 мең тонна печән әзерләнгән

Татарстанның авыл хуҗалыгы оешмаларында терлек азыгы әзерләү дәвам итә. Республика буенча бүгенге көнгә барысы 2414,9 мең тонна сенаж һәм 375,7 мең тонна печән әзерләнгән. Бу – 919,1 мең тонна азык берәмлеге, ягъни шартлыча бер баш терлеккә 15,6 центнер азык тупланган.

Иң югары күрсәткеч Сарман муниципаль районында – бер баш терлеккә 25,4 центнер азык әзерләнгән. Зәй районында ул 20,6 центнер тәшкил итә, Алабуга, Бөгелмә һәм Чирмешән муниципаль районнарында – 17,7 шәр центнер, Яңа Чишмә муниципаль районында 17,5 центнер азык әзерләнгән.