Бөтен илдән агротехнология сыйныфлары укучылары өчен АгроСмена - 2026 җәйге белем программасында катнашуга гаризалар кабул ителә башлады, аны Россия Федерациясе Авыл хуҗалыгы министрлыгы инде икенче ел рәттән үткәрә. Проект иртә һөнәри юнәлеш юлын сайлауда ярдәм итүгә һәм агросәнәгать комплексының заманча һөнәрләре белән таныштыруга юнәлдерелгән.

2026 елның 26 - 30 маенда Россиядә икенче тапкыр Бөтенроссия агродиктанты – агросәнәгать комплексы, авыл территорияләре һәм илнең азык-төлек иминлеге турындагы белемнәрне тикшерү буенча федераль акция узачак. Диктантны онлайн https://агродиктант.рф/ платформасында (алдан теркәлү таләп ителә) яисә оештырылган мәйданчыкларның берсенә килеп язарга мөмкин.

Бүген Татарстан Республикасы Яңа Чишмә муниципаль районында авыл халкының эшлекле активлыгын арттыру мәсьәләләре буенча зона семинар-киңәшмәсе узды. Анда Татарстан Республикасы Дәүләт Советы Рәисе вазыйфаларын башкаручы Марат Әхмәтов, Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров, Татарстан Республикасы Җирле үзидарә органнары ассоциациясе Советы Рәисе Әгъзам Гобәйдуллин, Дәүләт Советы депутатлары Альберт Хәбибуллин, Азат Хамаев, Нәҗип Хаҗипов, шулай ук Аксубай, Алексеевск, Әлки, Зәй, Түбән Кама, Яңа Чишмә, Нурлат, Спас, Чирмешән һәм Чистай муниципаль районнары башлыклары, районнарның авыл җирлекләре башлыклары, авыл хуҗалыгы һәм азык-төлек идарәләре башлыклары, шәхси ярдәмче хуҗалыклар, крестьян-фермер хуҗалыклары һәм кооперативлар башлыклары катнаштылар.

«Август-Агро» идарәчел компаниясе Кытайга тимер юл буйлап беренче җитен һәм борчак партияләрен җибәрде. Шушы көннәрдә «Бер пояс һәм бер юл» контейнер терминалыннан 1600 тоннага якын продукция белән контейнер поездлары кузгалып китте. Составлар Казахстан аша транзит белән Тяньцзинь станциясенә кадәр барачак.