2026 елның 4 маеннан 25 маена кадәр «АПК продукциясенең иминлеген һәм сыйфатын бәяләү федераль үзәге» ФДБУнең Татарстан Республикасы филиалы белгечләре агымдагы елда яңа уңыш ашлыгы салына торган икмәк эшкәртү предприятиеләренең склад биналары, элеваторлары һәм саклагычлары территорияләрен тикшерделәр. Тикшерелгән объектларның гомуми күләме 16,1 мең куб метр тәшкил итә, бу алдагы елның шул ук чоры белән чагыштырганда 2 тапкырга күбрәк.

2026 ел башыннан 29 майга кадәр «АПК продукциясенең иминлеген һәм сыйфатын бәяләү федераль үзәге» ФДБУнең Татарстан Республикасы филиалы май экстракцияләү предприятиеләре тарафыннан Кытайга экспортлау өчен әзерләнгән 8,8 мең тоннадан артык рафинацияләнмәгән рапс маен контрольдә тотты. Бу узган елның шул ук чоры белән чагыштырганда 57%ка күбрәк (5,6 мең тонна).

Татарстан Республикасы Авыл хуҗалыгы һәм азык-төлек министрлыгында Татарстан Республикасы агросәнәгать комплексы ветераны Рафаэль Әхмәтовны котладылар.

2026 елның гыйнвар-апрель айларында Россельхозбанк Идел буе федераль округы аграрийларына сезонлы эшләр өчен 48,4 млрд сум акча бирде. Бу күрсәткеч буенча округ илдә икенче урынны алды. Бу хакта Россия Федерациясе Авыл хуҗалыгы министрлыгы коллегиясе йомгаклары буенча журналистларга Россельхозбанк Идарәсе рәисе Борис Листов сөйләде.