2016 елгы Республика сабанчылар конкурсында Татарстан Республикасы Лениногорск муниципаль районының “Лениногорский” агрофирмасы” ҖЧҖ механизаторы Рамил Гәрәев 1 нче урынны алды

Бүген Татарстан Республикасы Лениногорск муниципаль районының “Лениногорский” агрофирмасы” ҖЧҖ базасында 2016 елгы Республика сабанчылар конкурсының финал этабы узды. 44 катнашучыдан иң күп санда баллар җыйган 10 катнашучы финалга чыкты.

1 нче урын өчен көрәштә Татарстан Республикасы Лениногорск муниципаль районының “Лениногорский” агрофирмасы” ҖЧҖ механизаторы Рамил Гәрәев җиңүче булып танылды. 2 нче урынны Әтнә муниципаль районының “Күңгәр” АХҖКыннан Ирек Галиев алды, 3 нче урынга Актаныш муниципаль районының “Таң” ҖЧҖеннән Нияз Идрисов чыкты.

2017 елда Татарстан Республикасы исеменнән Россиянең сабанчылар чемпионатына Рамил Гәрәев барачак.

Конкурс кысаларында шулай ук «МТЗ-82» тракторын фигуралы йөртү буенча ярышлар узды. Монда 1 нче урынны Мөслим муниципаль районының “Шәмсиев Р.Г.” КФХыннан Рәфис Шәмсиев алды. 2 нче урын Чирмешән муниципаль районының “Илхан” ҖЧҖеннән Рәдиф Миңнегуловка бирелде, 3 урынга Мамадыш муниципаль районының “Әкбәров А.М.” КФХыннан Альберт Әкбәров чыкты.

Җиңүчеләргә бүләкләрне Татарстан Республикасы авыл хуҗалыгы һәм азык-төлек министрының инженер-техник сәясәт буенча урынбасары Тәлгать Таһирҗанов тапшырды.