Татарстан Республикасы Авыл хуҗалыгы һәм азык-төлек министрлыгы авыл хуҗалыгы кулланучылар кооперативларына матди-техник базаларын үстерү өчен грант бирүгә сайлап алу башлану турында игълан итә, грант аны алучының үз проектын гамәлгә ашыру һәм даими эшкә яңа хезмәткәрләрне урнаштыру максатларында һәм Татарстан Республикасы Министрлар Кабинетының 2021 елның 14 июлендәге 572 номерлы карары белән расланган «Авыл хуҗалыгы кулланучылар кооперативларына авыл хуҗалыгы кулланучылар кооперативларының матди-техник базасын үстерүгә Татарстан Республикасы бюджетыннан грант бирү тәртибе» нигезендә бирелә.

Татарстан Республикасының Балык Бистәсе һәм Алексеевск районнары территорияләреннән «АПК продукциясенең иминлеген һәм сыйфатын бәяләү үзәге» ФДБУнең төбәк филиалы контролендә Иранга ике партия азык арпасы җибәрелде. Аларның гомуми күләме 10 мең тоннадан артык.

«Россия – Ислам дөньясы: КазанФорум» XVII халыкара икътисадый форумы кысаларында 2026 елның 16 маенда 18:00 сәгатьтә Казан ипподромында (Альберт Камалиев ур., 27/1) мавыктыргыч ат чабышлары һәм Халыкара жокейлар чемпионаты узачак. Бу вакыйга Россиядә атлар белән шөгыльләнүнең югары дәрәҗәгә куелыуын күрсәтү белән беррәттән, ат спорты өлкәсендә халыкара элемтәләрне ныгытуга, шулай ук Казанны атлар катнашында зур чаралар уздыру өчен кызыклы мәйданчык итеп күрсәтүгә дә юнәлдерелгән.

14 - 15 май көннәрендә «Казан Экспо» халыкара күргәзмәләр үзәгендә «Россия – Ислам дөньясы: Казанфорум» XVII халыкара икътисадый форумы кысаларында Россия агросәнәгать комплексының экспортка юнәлешле компанияләре өчен халыкара агросәнәгать сәүдә-сатып алу сессиясе узачак. Анда 23 чит ил байеры һәм дистрибьюторы, шулай ук Россиянең 9 төбәгеннән 78 Россия компаниясе катнашачак.