Татарстан Республикасында 3 майга чәчү 440 мең га мәйданда чәчелгән

Кырларда язгы кыр эшләренең барышы турында бүген Татарстан Республикасы Хөкүмәте Йортында узган республика киңәшмәсендә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов сөйләде.

Барлык муниципаль районнар белән видеоконференцэлемтә режимындагы киңәшмәне Татарстан Республикасы Премьер-министры Илдар Халиков үткәрде. 
Татарстан Республикасында 2014 елның 3 маена чәчү 40 мең га (25%) мәйданда чәчелгән.

Шикәр чөгендере Татарстан буенча барысы 19,2 мең га (39%) чәчелгән. 

Марат Әхмәтов шулай ук көзге культураларның торышы турында да сөйләде. Ул, көзге культураларның 90%ы яхшы сакланган,ягъни аларның торышы канәгатьләнерлек, дип билгеләп китте. Республика буенча барлыгы 588,5 мең га мәйданда көзге культуралар чәчелгән, шул исәптән көзге бодай – 271,5 мең га, көзге арыш – 301,6 мең га.

Республика районнарында 2014 елның 3 маена гектарга уртача 36,6 кг (районнар буенча гектарга 78 килограммнан 100-120 килограммга кадәр) минераль ашлама тупланган, Татарстан Республикасында язгы кыр эшләрен башкаруга 80 мең тонна ташламалы дизель ягулыгы бирелгән, дип әйтте Марат Әхмәтов.