Бүген Казан кооператив институтында «Россиянең авыл икмәк пешерүчеләре кубогы - 2024» Бөтенроссия конкурсы узды. Анда Россия Федерациясе Авыл хуҗалыгы министрлыгының Авыл территорияләрен үстерү департаменты директоры Виталий Платонов, Татарстан Республикасы авыл хуҗалыгы һәм азык-төлек министры урынбасары Марсель Мәхмүтов һәм Татарстан Республикасы Дәүләт Советы депутаты Алсу Нәбиева катнаштылар.

Министрлыкта “Авыл яши – Деревня живет” проектын гамәлгә ашыру кысаларында бишенче уку дәресе узды. Анда министр урынбасары Рөстәм Гайнуллов катнашты.

Бүген Татарстан Республикасы Азнакай муниципаль районында «Татарстан Республикасы терлекчелеге - үсеш торышы һәм перспективалары» темасына зона семинар-киңәшмәсе узды. Чарада Татарстан Республикасы авыл хуҗалыгы һәм азык-төлек министры урынбасары Гөлүс Баязитов, шулай ук авыл хуҗалыгы һәм азык-төлек идарәләре башлыклары, инвесткомпанияләр җитәкчеләре, хуҗалыкларның терлекчелек һәм зоотехника буенча консультантлары катнашты.

Татарстан Республикасы Авыл хуҗалыгы һәм азык-төлек министрлыгы 2024 елның 29 октябреннән 12 ноябренә кадәр шәхси ярдәмче хуҗалык алып баручы гражданнардан савым сыерлары, ана кәҗәләр һәм бер яшьтән зуррак булган кәҗә бәтиләре тоту чыгымнарының бер өлешен каплауга түбәндәге суммаларда субсидияләр алу өчен гаризалар кабул итү турында хәбәр итә: хуҗалыкта тотылучы 1 сыер өчен - 2 мең сум, 2 сыер өчен – 3 мең сум, 3 һәм аннан күбрәк сыер өчен - 4 мең сум, ветеринария чараларын уздыруга 500 сумга шартнамә төзегән очракта, һәр сыерга өстәмә 300 сум субсидия түләнә. Товар һәм нәселле таналар, бер мәртәбә бозаулаган яшь сыерлар сатып алуга 60,0 мең сум һәм 70,0 мең сум исәбеннән түләнә.