Кукмара районыннан килгән тана иң матуры дип танылды
«Агроволга 2024» халыкара агросәнәгать күргәзмәсе кысаларында өченче тапкыр сөт юнәлешендәге эре мөгезле терлекләр йөреше буенча «Краса Агроволги» конкурсы уздырылды.
Иң-иңнәре исемен алуга 38 нәсел хуҗалыгыннан сыерлар дәгъва кылды.
Чарада Татарстан Республикасы Рәисе Рөстәм Миңнеханов, Россия Федерациясе авыл хуҗалыгы министры урынбасары Андрей Разин, Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров катнаштылар.
Сыерлар экстерьер линияләре билгеләре буенча бәяләнде. Төп билгеләр саны - 20 иде. Барлык билгеләр комплекслы блокларга бүленгән: сыерның сөтлелеге, тазалыгы, гәүдә төзелеше, сайлау критерийларының берсе - сыерның йөреше.
Бәйсез бәяләү һәм җиңүчеләрне билгеләү өчен конкурска голштин-фриз токымлы эре мөгезле эре терлекләр үрчетүчеләрнең Венгрия Республикасы илкүләм ассоциациясенең халыкара профессиональ бәяләүчесе Шебёк Тамаш чакырылган.
Конкурста өч төп номинация билгеләнгән иде: Гранд-чемпион булып Кукмара районының «Урал» АХҖК сыеры танылды, чемпион булып Зеленодольск районының «КВ-Агро» АҖ сыеры танылды, Вице-чемпион исеменә Әтнә районының «Таң» АХҖК сыеры лаек булды.
Моннан тыш, 13 номинациядә иң яхшы терлекләрне билгеләделәр:
Иң яхшы темперамент номинациясендә - «СП Смаиль» ҖЧҖ (Балтач районы);
Иң яхшы гәүдә озынлыгы - «Северный АХП» ҖЧҖ (Арча районы);
Иң яхшы күкрәк киңлеге - «Урал» АХҖК (Кукмара районы);
Иң яхшы арка линиясе - «Мәңгәр» АХҖК (Әтнә районы);
Яннан караганда иң яхшы аяк-тояклар торышы - «Гаврилова» АФ» ҖЧҖ (Кукмара районы);
Арттан караганда иң яхшы аяк-тояклар торышы - «Уңыш» АФ» ҖЧҖ (Әтнә районы);
Тоякларның авышлык почмагы - «Северная Нива Татарстан» ҖЧҖ, Наратлы торак комплексы (Бөгелмә районы);
Иң зур терлек - «Муллаиле мегафермасы» ҖЧҖ (Зеленодольск районы);
Оптималь тазалык параметрлары - «Нәсел эше» ҖЧҖ (Әлки районы);
Иң яхшы киңлектәге оча башы сөяге - «Уңыш» АФ» ҖЧҖ (Әтнә районы);
Гармонияле йөреш - «Возрождение АФ» ҖЧҖ (Арча районы);
Иң яхшы токымлы баш - «Продпрограмма АПК» ҖЧҖ (Мамадыш районы);
Сөтле тип чагылышы - «Шытсу АХП» ҖЧҖ (Саба районы).
Конкурс кысаларында шулай ук иң яхшы хендлерларны бүләкләделәр. Өченче урынга Балтач районының «СП Смаиль» ҖЧҖеннән Рамазан Хәсәнов лаек булды, икенче урында – Зеленодольск районының «Кв-Агро» АҖеннән Зөһрә Галимҗанова. Алексеевск районының «Мегаферма Лебяжье» ҖЧҖеннән Гөлчәчәк Сәлахиева хендлерлар арасында җиңүче дип танылды.