Министрлыкта инвестиция компанияләрен тыңладылар
Бу атнада Министрлыкта эре инвесторлар катнашында видеоконференция форматында киңәшмәләр уздырылды, аларда 2023 елга үсемлекчелек тармагына йомгаклар ясалды һәм 2024 елга бурычлар куелды.
Фикер алышу Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров рәислегендә министр урынбасары Дмитрий Яшин катнашында узды. Киңәшмәләрдә «Чистополье» ХК, «АгроИнвест» ИК ҖЧҖ, «Красный Восток Агро» компанияләр төркеме, «Август-Агро» ИК ҖЧҖ, «Агросила» АҖ, «Азык-төлек программасы АПК» ҖЧҖ, «Союз-Агро» ҖЧҖ һәм башка инвесторлар вәкилләрен тыңладылар.
Әлеге очрашулар барышында чәчүлек мәйданнары структурасы, орлык материалы һәм минераль ашламалар белән тәэмин ителеш мәсьәләләре каралды. Инвестиция компанияләренә туфракның уңдырышлылыгын арттыруга игътибар итәргә тәкъдим ителде, шулай ук агроиминият мәсьәләләре буенча күрсәтмәләр бирелде.