Татарстан Республикасы Авыл хуҗалыгы һәм азык-төлек министрлыгы җитәкчелеге Лаеш районында “Кәүсәр” ит эшкәртү комплексында булды
Бүген Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров Лаеш районында “Кәүсәр” АХКК ит эшкәртү комплексында булды.
Ит эшкәртү буенча әлеге мәйданчык “Кәүсәр” авыл хуҗалыгы кулланучылар кооперативы агрологистик комплексының инвестиция проектын гамәлгә ашыру кысаларында ачылды. Җитештерелә торган продукциянең ассортименты бик төрле: монда үрдәк итеннән казылыклар, сосискилар, паштетлар, ысланган һәм каклаган продукция һәм башкалар әзерләнә. Шулай ук “Хәләл” стандартлар буенча да продукция җитештерелә. Мәйданчыкта 40тан артык эш урыны булдырылган.
Җитештерү линияләрен караганда Марат Җәббаровка “Кәүсәр” авыл хуҗалыгы кулланучылар кооперативының агрологистик комплексы проектында ит эшкәртү мәйданчыгын, сую цехын, логистик үзәк, продукция саклау складларын булдыру күздә тотыла. Айга 300 тонна казылык җитештерү, 6 мең баш кош-корт сую, шулай ук 1000 тонна туңдырылган һәм суытылган продукция саклау планлаштырыла. Бу проектка 300 млн сумнан артык инвестицияләр кертү планлаштырылган.
Белешмә өчен:
“Кәүсәр” авыл хуҗалыгы кулланучылар кооперативы үз проектын Татарстан Республикасы Авыл хуҗалыгы һәм азык-төлек министрлыгы ярдәме белән гамәлгә ашыра. 2018 елда предприятие Татарстан Республикасы Авыл хуҗалыгы һәм азык-төлек министрлыгыннан кош ите җитештерү буенча җайланмалар сатып алуга 30 000 000 (утыз миллион) сум грант алды.