ЯҢАЛЫКЛАР

Татарстан Республикасы Авыл хуҗалыгы һәм азык-төлек министрлыгы Бөек Ватан сугышы ветераннарына, шулай ук сугыш елларында тылда илне азык-төлек белән тәэмин итү өчен армый-талмый эшләгән тыл хезмәтчәннәренә олы игътибар белән карый. Гадәттәгечә, һәр елны 9 май алдыннан Игенчеләр сараенда сугыш ветераннарын һәм тыл хезмәтчәннәрен котлау тантанасы уза. Әмма быел эпидемиологик вәзгыять үз төзәтмәләрен кертте. Шулай да, кадерле ветераннарыбыз игътибарсыз калмады.