Татарстан Республикасы Азнакай муниципаль районының “Азнакай” агрофирмасыннан Расыйх Фазлыев 31 нче сезон урып-җыюда катнаша
Татарстан Республикасы Азнакай муниципаль районының “Азнакай” агрофирмасыннан Расыйх Фазлыев 31 нче сезон урып-җыюда катнаша.
«Колхозда механизатор булып 1985 елдан эшли башладым, – дип сөйли Расыйх Фазлыев. – Ул чакта уңышны легендар «Нива» комбайнында суктырдым. Хәзер «Акрос» комбайнында эшлим – бик яхшы, заманча техника, кондиционеры да бар».
Тәҗрибәле комбайнчы яшь кадрлар өчен дә үрнәк, еш кына аңа киңәш сорап мөрәҗәгать итәләр. Хезмәттәшләре сүзләренә караганда, Расыйх Фазлыев – үз эшенең остасы, җаваплы, һәр эшне җиренә җиткереп башкара һәм бик аралашучан кеше.
«Бүген йә иртәгә язгы бодай суктыруны тәмамлыйбыз, – диде механизатор. – Аннары кырлардан көнбагыш, орлык кукурузын җыярга кирәк булачак – эш күп әле».
Расыйх Фазлыев әйтүенчә, бу көннәрдә комбайнчылар иртә таңнан караңгы төшкәнче эшлиләр. «Эшләр киеренке, әмма мин яшь бит әле, арыган сизелми, –диде елмаеп, 54 яшьлек механизатор.