«Кама Беконы» ҖЧҖеннән механизатор Фәнис Гатин 2,6 мең тоннадан артык ашлык суктырган
Тукай муниципаль районының «Кама Беконы» ҖЧҖеннән механизатор Фәнис Гатинурак башланганнан бирле «Джон Дир» комбайнында 2662 тонна ашлык суктырган.
Фәнис Гатинның механизатор стажы 30 елдан артып китә, ул 9 нчы сезон урып-җыюда катнаша. Тәҗрибәле механизаторның бөтен хезмәт эшчәнлеге шушы хуҗалыкта бара. Ул берничә ел рәттән алдынгылар рәтендә һәм беричә мәртәбә районның авыл хуҗалыгы җитештерүе алдынгылары слетында катнаша.
«Быел икмәк бик уңды, – ди Фәнис Гатин. – Бүген язгы бодайны җыеп бетерәбез, соңгы гектарларны суктырабыз. Аннары 300 гектарга якын люпин җыясы була һәм шуның белән урып-җыю сезоны төгәлләнәчәк».
Алдынгы механизатор Наратлы (Сосновый Бор) бистәсендә яши. «Үзебезгә йорт төзедек, тирә-як яшеллек, тыныч, күңелгә рәхәт. Мин авылда яшәргә яратам», – дип сөйли, горурланып, игенче Фәнис Гатин.