Татарстан Республикасы Премьер министры урынбасары -- Татарстан Республикасы авыл хуҗалыгы һәм азык-төлек министры Марат Әхмәтов “Татарстанның агробизнес кадрларын яңадан әзерләү институты” («ТИПКА») өстәмә һөнәри белем бирү ФДБМУендә районнарның авыл хуҗалыгы һәм азык-төлек идарәләре башлыклары белән очрашты.
Чара түгәрәк өстәл рәвешендә узды. Очрашуда авыл хуҗалыгы хезмәткәрләрен матди кызыксындыру, крестьян-фермер хуҗалыклары һәм кече хуҗалыклар проблемалары, 40/60 программасы буенча техника сатып алу, торак арендасы, яшь белгечләргә ярдәм итү, терлекчелек тармагының нәтиҗәлелеге, АПКның 2019 елга бурычлары турындагы мәсьәләләр турында сөйләштеләр.
Марат Әхмәтов үз чыгышында районнарның авыл хуҗалыгы һәм азык-төлек идарәләре башлыкларына һәм АПК структура хезмәткәрләренә терлекчелек продукциясен җитештерүнең нәтиҗәлелегенә һәм кадрлар белән тәэмин итү мәсьәләсенә игътибар итәргә кушты.
Очрашу ахырында министр аграрийларның 2018 нче авыл хуҗалыгы елын уңышлы тәмамлап чыгуларын теләде һәм бүгеннән үк алдагы, күренеп тора, катлаулы игенчелек елына җитди әзерләнә башларга кирәк дип әйтте.