Оператив белешмәләр буенча 2018 елның 16 августына республикада 2003,6 мең тонна ашлык суктырылган, шул исәптән 1 миллион тоннадан артык көзге бодай, 298,6 мең тонна – көзге арыш, 518,1 мең тонна – арпа, 69,7 мең тонна – борчак.
Республика игенчеләре сабан бодае һәм солы суктыруга керештеләр. Бүгенгә сабан бодае 18,6 мең га, ягъни планнан 5 % мәйданда 47,2 мең тонна җыелган, уртача уңыш - 25,4 ц/га. Солы 18,1 мең га мәйданда 42,9 мең тонна җыелган, уртача уңыш - 23,7 ц/га.
Сарман районы игенчеләре урак башланганнан бирле 90,4 мең тонна, ашлык җыйганнар, Зәй районы – 88,4 мең тонна, Тәтеш районы – 88,3 мең тонна, Алексеевск районы – 81,7 мең тонна, Буа районы – 81,6 мең тонна.
Татарстанда чәчүлекләрнең яртысыннан артыгы җыелган. Бөртекле һәм кузаклы культуралар 729,6 мең га мәйданда суктырылган. Иң күп мәйдан Чистай (29,5 мең га, планнан 58%), Алексеевск (28,8 мең тонна – 60%), Тәтеш (26,7 мең га -60%), Сарман (25,7 - 58%), Азнакай (25 мең га – 67%) һәм Нурлат (24,8 мең га - 79%) районнарында суктырылган.
Татарстан Республикасы буенча уртача уңыш - бер гектардан 27,5 центнер. Уңдырышлылык буенча алдынгылар рәтендә Зәй районы (уртача уңыш – 39 ц/га), Актаныш (35,6 ц/га), Сарман (35,2 ц/га), Нурлат, Тукай, Тәтеш (по 33 ц/га) районнары.