Россия Федерациясе Авыл хуҗалыгы министрлыгында яңа кыска сроклы ташламалы кредитлар алуга заявкалар алу дәвам итә
2018 елның 1 февраленнән 9 февраленә кадәр Россия Федерациясе Авыл хуҗалыгы министрлыгы АПКны ташламалы кредитлау механизмы кысаларында вәкаләтле банклар тарафыннан Министрлыкка җибәрелгән потенциаль заемщиклар реестрларын кабат карый башлады.
Россия Федерациясе Авыл хуҗалыгы министрлыгына документлар керә башлаганныың беренче көнендә ташламалы кредитлар алуга заявкалар булган 350дән артык реестр керде, аларның гомуми күләме 80 млрд. сумнан артык. Потенциаль заемщиклар реестрларында Россия Федерациясенең 68 субъектыннан заявкалар исәпләнә, субсидияләрнең гомуми күләме 5 млрд. сумнана артып китә.
Икътисад, инвестицияләр һәм АПК базарларын җайга салу департаменты директоры Анатолий Куценко: «Россия Федерациясе Авыл хуҗалыгы министрлыгы тарафыннан вәкаләтле банклар һәм Россия Федерациясе субъектларында АПКның төбәк идарә органнары белән бергә төбәкләрдә бүгенге хәлнең торышына алдан тирән анализ ясалды. Төбәк Авыл хуҗалыгы һәм азык-төлек министрлыклары тарафыннан аграрийларның барлык заявкалары каралган һәм, аларның ихтыяҗын истә тотып, финанслауның барлык өстенлекләре каралды».
Россия Федерациясе Авыл хуҗалыгы министрлыгы бу процесста катнашучыларның барысына да рәхмәт белдерә һәм банкларның, төбәк хакимиятләренең оешкан төстә эшләүләрен билгеләп үтә.
Заемщикларны заемщиклар реестрына кертү турында Россия Федерациясе Авыл хуҗалыгы министрлыгы карарына беренчеләрдән булып «Россельхозбанк» АҖ ия булды, ул иртәгә үк ташламалы беренче кредитларны бирә башлый.