ЯҢАЛЫКЛАР


19
апрель 2019 ел.
җомга

Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры  Марат  Әхмәтов Татарстан  Республикасы Хөкүмәте Йортында  узган  республика киңәшмәсендә  язгы  кыр  эшләренең барышы  турында сөйләде.   

Шимбә көнне, 20 апрельдә, иртәнге  6.00 сәгатьтә Казанда, Чаллыда,  Зеленодольск районының  Октябрьский поселогында  (“Яңа  Тура” сәүдә-ярминкә  комплексында)   гадәттәге  авыл хуҗалыгы  продукциясен һәм  көндәлек  азык-төлек  товарларын  сату ярминкәләре эшли башлый.   

19 марттан  Татарстан  Республикасы Авыл хуҗалыгы  һәм азык-төлек  министрлыгы, Татарстан  Республикасының  Кулланучылар  кооперациясе  оешмалары  берлеге  һәм Казан   кооператив  институты  ярдәмендә  Татарстан  Республикасы территориясендә «Яшьләр   кооперациядә» проекты  эшли  башлады Программа  кысаларында   Казан кооператив институты студентлары районнарның  кулланучылар  җәмгыятьләренә һәм    авыл  хуҗалыгы  кулланучылар  кооперативларына  чыктылар.    Практикантлар  практика чорында  предприятиенең  эчке  эшләрен  өйрәнделәр,   документацияне  анализладылар һәм  хезмәткәрләр  эшен  күзәттеләр.  Быел    студентлар  практика урынын  үзләре  сайладылар.  

18 апрельдә  Татарстан Республикасы  авыл  хуҗалыгы  һәм азык-төлек  министрының  беренче   урынбасары    Николай Титов  Мәскәү  шәһәрендә Вьетнам Социалистик  Республикасы  Илчелегендә   «TH MilkFood»  директорлар  Советы  рәисе Тхай Хыонг  ханым белән  очрашты. Очрашуда  шулай  ук  Россия  Федерациясендә Вьетнам Социалистик  Республикасының Гадәттән тыш һәм Вәкаләтле  Илчесе   Нго Дык Мань әфәнде  һәм    «РАЦИН» АҖ  генераль директоры  Әнвәр  Мәүләнов  катнашты. 


18
апрель 2019 ел.
пәнҗешәмбе

18 апрельдә Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат  Әхмәтов Уфага  эш  сәфәре  барышында Башкортостан Республикасында  Татарстан Көннәре  кысаларында     авыл  хуҗалыгы  мәсьәләләре  буенча  оештырылган түгәрәк  өстәләдә катнашты, анда  БР Хөкүмәте Премьер-министры  урынбасары вазыйфаларын  башкаручы    Илшат Фазрахманов,  ике  республикадан  да  фәнни  учреждениеләр һәм эре  авыл  хуҗалыгы  җитештерүчеләре вәкилләре  катнашты.  

17 мартта Казан  дәүләт  аграр  университетында  Татарстан  Республикасы Авыл хуҗалыгы  һәм азык-төлек  министрлыгы ярдәме  белән  яшь уйлап  табучыларның  “Минем кече Ватаным”   республика  олимпиадасы  узды.

17 апрельдә  “Татарстан  Республикасында  авыл  хуҗалыгы кооперациясен  үстерү буенча    компетенцияләр  үзәге” дәүләт бюджет учреждениесендә    (ДБУ) авыл  хуҗалыгы товарлары  җитештерүчеләренең һәм    Казан  шәһәренең  өлешләп  сату  кибетләре вәкилләренең    эшлекле   очрашулары  оештырылды.  Бу  чара  март аенда  Тәтеш  районында узган   һәм  республикада  авыл  хуҗалыгы  кулланучылар  кооперативларын үстерү чараларын   гамәлгә ашыруга  юнәлдерелгән «Нәтиҗәле   кооперация  атналары»  чарасының  дәвамы  булды.


17
апрель 2019 ел.
чәршәмбе

Игенчеләр өчен  озак  көтелгән  кыр  эшләре  башланды,  Спас районы  хуҗалыкларында  да  агротехник  чараларуздыруга – чәчүлекләрне  тукландыруга  һәм сөрүгә  керештеләр.    Бу  эшләрне  тиз арада  һәм кирәкле  таләпләрне  үтәп  башкару  – мул  уңыш  нигезе,  шуңа күрә   механизаторлар  вакытны  бушка үткәрмиләр. 

17 апрельдә Игенчеләр  сараенда Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры  Марат  Әхмәтов    «APH GROUP» Голландия  компаниясе  җитәкчесе   Витсе Оостербан белән  очрашты  һәм алар  Голландия  технологияләре  буенча бәрәңге  һәм яшелчәләр  үстерү  перспективалары  турында  фикер алыштылар.

16 апрельдә Россия Федерациясе  Авыл  хуҗалыгы  министрлыгында  Коллегиянең йомгаклау  утырышы  узды. Чарада  Россия  Федерациясе  Хйкүмәте  Рәисе урынбасары    Алексей Гордеев,   Авыл хуҗалыгы   министры   Дмитрий Патрушев, Федерация  Советының Аграр-азык-төлек  сәясәте  һәм табигатьтән  файдалану   комитеты рәисе    Алексей Майоров, Дәүләт Думасының  Аграр  мәсьәләләр комитеты  рәисе   Владимир Кашин, Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат  Әхмәтов,  шулай  ук  төбәкләр  башлыклары,  АПКның  төбәк  идарә  органнары  җитәкчеләре,  тармак берлекләре  һәм  ассоциацияләре  җитәкчеләре, фән һәм мәгариф, банк  берлкләре  вәкилләре  һәм башкалар  катнашты.  


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования