ЯҢАЛЫКЛАР


1
декабрь 2018 ел.
шимбә

Техни  модернизацияләү  һәм авыл  хуҗалыгы  техникасын  2019 елгы  кыр эшләренә  әзерләү  мәсьәләләре  турында  бүген  Татарстан  Республикасы Хөкүмәте  Йортында  узган  киңәшмәдә  Татарстан  Республикасы  Премьер  министры  урынбасары -- Татарстан Республикасы  авыл  хуҗалыгы  һәм азык-төлек  министры   Марат  Әхмәтов  сөйләде. 

Бүген  Татарстан  башкаласында  авыл  хуҗалыгы  продукциясен  сату  ярминкәләре  узды.   Ярминкәләрне  Татарстан Республикасы авыл хуҗалыгы һәм азык-төлек  министрының  беренче урынбасары  Николай Титов, министр урынбасарлары,   АПК бүлекчәләре җитәкчеләре  йөреп чыктылар. Алар  китерелгән  продукциянең    ассортименты һәм аларга  бәяләр белән  таныштылар.    


30
ноябрь 2018 ел.
җомга

Сөт бизнес академиясе базасында «Lely Голландия компаниясенең роботлаштырылган  җайланмасы»   темасына   семинар  узды.   Семинарда    Татарстан Республикасы  авыл  хуҗалыгы  һәм азык-төлек  министры  урынбасары    Нәҗип  Хаҗипов,  Татарстан  Республикасы Авыл хуҗалыгы  һәм азык-төлек  министрлыгының    инвестиция  сәясәте  һәм  максатчан  программалар бүлеге  башлыгы    Илдар Гафуров, «Агроробот» компаниясе   директоры  Илья Иванов,   «Агроробот» компаниясенең  сату  бүлеге  җитәкчесе   Руслан Васильев,   «Ленин ис. совхоз» ЯАҖ фермасы  мөдире  Данила Козлов,  шулай  ук  Арча, Әтнә, Балтач, Саба, Биектау һәм Теләче  авыл  хуҗалыгы предприятиеләре  җитәкчеләре  катнашты.  

«Агрокөч» холдингы  2019 елда  үз  проектларына   2,5 млрд сумнан  артык  акча  кертәчәк. Яңа  инвестиция   программасына  2  мең  баш  савым  сыерына  исәпләнгән  терлекчелек  комплексын төзү керә,   ул  Татарстан  Республикасының   Азнакай  районында булачак,  шулай  ук  Актаныш  икмәк  кабул  итү  предприятиесендә  60 т/тәүлек  куәткә  ия     тегермән  төзү  планлаштырыла.   2019 елда   инвестпрограммага    Холдингның  төп  җитештерү  предприятиеләре һәм  агрофирмалары  кергән.  Мәс.,  Зәй  шикәр  заводында  чөгендер  түбен  киптерү  бүлеге   реконструкцияләнәчәк,    су  чистарту    резервуарын  урнаштыру  төгәлләнеп  килә.  

Менделеевск  районының  Кураково авылында    Васильевлар  гаиләсе,   3 млн.  сум чыгымнар  тотып,  гаилә  сөт  фермасын  ачты.  Моның  белән  аларны   район  башлыгы    Валерий Чершинцев  котлады.

1   декабрьдә  Казанда, Чаллыда, шулай ук шулай ук Зеленодольск муниципаль районының  Октябрьский поселогында  авыл хуҗалыгы продукциясен   һәм көндәлек  кирәк-яракларын  сату буенча  гадәттәге   авыл хуҗалыгы  ярминкәләре узачак.


29
ноябрь 2018 ел.
пәнҗешәмбе

Бүген  Татарстан  Республикасы Дәүләт Советы  Рәисе  Фәрит Мөхәммәтшин  Кайбыч  районына  эш  сәфәре  белән  килде,  биредә  авыл  халкының  эшләү   активлыгын  арттыру буенча  зона  киңәшмәсе  узды.  Чарада  Татарстан  Республикасы  Премьер  министры  урынбасары - Татарстан Республикасы  авыл  хуҗалыгы  һәм азык-төлек  министры   Марат  Әхмәтов,  Татарстан  Республикасы муниципаль берәмлекләр  Соыеты  рәисе  Әгъзам    Гобәйдуллин,  Кайбыч  районы  башлыгы    Альберт Рәхмәтуллин,  шулай  ук  шул  зоеага  керүче  муниципаль районнар  башлыклары,  авыл  җирлекләре  башлыклары,  кооперативлар  җитәкчеләре,    фермерлар  һәм шәхси  ярдәмче хуҗалыклар тотучылар  катнашты.  

Татарстан  Республикасы Авыл хуҗалыгы  һәм азык-төлек  министрлыгының  оператив белешмәләре буенча, 2018 елның 29 ноябренә тулаем тәүлеклек  савым 3240,7 тонна тәшкил итә, бу 2017 елның шушы чорына караганда   134,9 тоннага (+104 %) күбрәк. 

 

2018 елның 28 ноябренә теплица яшелчәләрен җыю ил буенча 889,6 мең  тонна тәшкил итте, бу узган елның шушы чорына караганда 28,3%ка  артыграк.  

«Татарстан  Республикасы Авыл хуҗалыгы  һәм азык-төлек  министрлыгының  Терлекчелектә  нәсел  эшенә  баш  дәүләт  авыл  хуҗалыгы  идарәсе» ДКУ балалар  өчен   «Мин  терлекчеләр    династиясеннән»  конкурсын уздыра.   


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования