Республика һөнәр берлеге комитеты ел йомгакларын ясады
20 мартта Татарстан Республикасы һөнәр берлеге оешмасының Фәридә Гарифуллина рәислегендә киңәйтелгән утырышы узды. Анда һөнәр берлеге оешмасының 2018 елгы эшчәнлегенә йомгаклар ясалды. Утырышта район, эре башлангыч һөнәр берлекләре оешмалары рәисләре, республика һөнәр берлеге оешмасының контроль-ревизия комиссиясе әгъзалары катнашты.
Республика һөнәр берлеге комитеты белгечләренең хисапларында һөнәр берлегендәге әгъзалык буенча статистика хисабына, һөнәр брелегенең 2018 елгы бюджеты үтәлешенә, кампаниянең күмәк шартнамәсе үтәлешенә тирән анализ ясалды. Предприятиеләрдәге финанс кынлыкларга да карамастан, 2018 ел дәвамында социаль гарнтияләр кимемәве турында билгеләп үтелде. Күмәк шартнамәләр төзегәндә һөнәр берлекләре комитетлары хезмәткәрләр өчен җитди ташламалар, шул исәптән түләүле өстәмә яллар бирү, эшләүчеләрне һәм аларның гаиләләрен савыктыруны финанслау, остазлык өчен өстәмә түләүләр, бала туганда өстәмә акчалата түләүләр, балаларны лагерьларга җибәрүне оештыру, пенсиягә киткәндә, шулай ук армиягә киткәндә бер мәртәбә түләүләр бирү мәсьәләләрен хәл итүгә ирештеләр. Уңай нәтиҗәләргә ирешүче предприятиеләр арасында ««Майский»ТК” ҖЧҖ, «Чаллы бройлер» ҖЧҖ, «Зеленодольск сөт эшкәртү комбинаты» ААҖ, АО «Эссен Продакшн АГ», «Элита» ГПП” АҖ, «ФЦТРБ-ВНИВИ» ФДУ, «Буа шикәре» ААҖ, «Зәй шикәре» ААҖ бар.
Утырышта шулай ук тармак хезмәткәрләренең хезмәт хаклары турында җентекле сйләшү булды. Авыл хуҗалыгы предприятиеләрендә айлык уртача хезмәт хакы 18,5%ка арткан, аерым уңышларга да карамастан, авыл хуҗалыгы предприятиеләрендә хезмәт хакы уртача республика күрсәткечләреннән шактый аерыла (2018 елда - 66%ны тәшкил итә). Азык сәнәгате предприятиеләрендә уртача республика күрсәткеченнән 85,1 % тәшкил итә.
Татарстан Республикасы Авыл хуҗалыгы һәм азык-төлек министрлыгының хезмәтне саклау секторы мөдире Айдар Сәлахов агросәнәгать комплексы оешмаларында хезмәтне саклауның торышы белән таныштырды. 2018 елда тармак предприятиеләрендә авыр нәтиҗәләргә китергән җитештерү имгәнүләре белән 11 очрак булган, үлем очрагы - 2. Тенденция кимүгә таба бара. Һәрвакыттагыча, һөнәри хәтәрлек механизаторлар һәм терлекчеләр арасында күбрәк. Бәхетсезлек очракларының төп сәбәпләре җитештерү технологияләрен һәм җитештерү тәртибен, шулай ук юл кагыйдәләрен бозудан гыйбарәт. Утырышта катнашучылар һөнәр берлекләре органнарының күмәк шартнамәләр кысаларында предприятиеләрдә хезмәтне саклау торышын тикшереп торуларын билгеләп үттеләр. 2018 елда һөнәр берлекләре булган оешмаларда авыр имгәнү белән бер генә очрак булган.
Фәрида Гарифуллина утырышта катнашучыларның игътибарын социаль партнерлыкны алга таба камилләштерү зарурлыгына, хезмәткәрләрнең хезмәт шартларын яхшырту буенча эш бирүчеләргә куелган таләпләре үтәлешенә, хезмәткәрләрнең сәламәтлеген һәм гомерен саклауга, авыл хуҗалыгы предприятиеләрендә хезмәт хакын арттыруга юнәлтте.