«Минем җирем Россия – 2018» иҗат конкурсына эшләр кабул итү дәвам итә. Әлеге конкурсны «2014-2017 елларга һәм һәм 2020 елга кадәр чорга авыл территорияләрен тотрыклы үстерү» федераль максатчан программасы кысаларында Россия Федерациясе Авыл хуҗалыгы министрлыгы бишенче мәртәбә уздыра инде.
Быел конкурста катнашуга индивидуаль авторлар, шул исәптән федераль, төбәк һәм шәһәр (район) журналларының, газетларының, интернет-басмаларның, радио и телекомпанияләрнең, редакцияләрнең журналистлары, РФ субъектлары АПК идарәсе органнарының матбугат хезмәтләре, блогерлар, фотожурналистлар, аграр уку йортларының матбугат хезмәтләре кертелә. Оештыручылар сүзләренә караганда, конкурска Россия авылының уңай үрнәген тасвирлый, авыл территорияләрен үстерүнең алдынгы тәҗрибәсен тарата, авыл хуҗалыгы хезмәтенең әһәмиятен арттыра һәм халык традицияләрен саклап калуга ярдәм итә дип танылган һәм бастырып чыгарылган эшләр кабул ителә.
Документлар һәм проектлар 2018 елның 31 августына кадәр электрон почта agrosmi2018@yandex.ru буенча кабул ителә.
Конкурс һәм аның шартлары турында тулырак мәгълүматны рәсми сайтта – http://konkurs.agromedia.ru – алырга мөмкин.