Татарстанның авыл хезмәтчәннәре 2018 елгы язгы кыр эшләренә керештеләр. Республиканың 26 муниципаль районында көзге культураларны һәм күпьеллык үләннәрне тукландыру эшләре алып барыла.
Татарстан Республикасы Авыл хуҗалыгы һәм азык-төлек министрлыгының оператив белешмәләренә караганда, 2018 елның 17 апреленә көзге культуралар 50,9 мең га (планнан 10%) мәйданда ашламаланган, күпьеллык үләннәр – 18 мең га (4%) мәйданда.
Зәй районы аграрийлары көзге культураларга 12,8 мең га мәйданда ашлама керткәннәр. Сарман районында бу чаралар – 11,6 мең га (67%), Азнакай районында 6 мең га (42%) мәйданда башкарылган.